☆★ TABLE 56 ★★: 28/12/2008

今年買既碟，仍然大多係一些舊名字，再無尋找或嘗試新野既衝動，似乎我都可以歸類為老餅了，總是想當年啊~~~ ^^

以下係响我部MP3播放率較高既專輯，算係我今年幾鍾意既CD… (總共七隻，唔想夾硬揀足十隻，係鐘意先入到選啊)

第七位: Thom Yorke – The Eraser RMXS

本身對原版Eraser唔係太有感覺，不過有日上網揾到隻Eraser既Remix 碟日本版（英版只係見過黑膠，唔知道有冇CD版），其實都係唔同人幫隻碟重新Remix過，不過因為我幾得阿Tom把聲, 所以跟住就訂左了。收到之後，真係〝哇〞左出黎，個封面全燙金，靚到震。而裡面既歌又真係Remix得唔錯，我覺得好聽過Original mix，當心情有d沮喪既時候拎黎聽吓，果d Beat真係可以幫你個人〝Pump〞番起啊~~

第六位: Portishead – Third

成十年無出碟，雖然只係第三隻碟，但依然好好聽，好喜愛裡面好機械式既節奏。

第五位: Brett Anderson – Wilderness

雖然有大把人已經唔再鍾意呢位前suede既靈魂人物，又話佢食老本，又呢又路，總知一唔鐘意，唱乜都死。不過阿老brett，呢期我撑你，因為你d慘情歌真係啱哂我胃口啊！裡面果首Clowns原先係love is dead既B side，响呢隻碟再番玩，好聽到呢~~~ 而back to you既版本再加多個女vocal，感覺唔同哂！

第四位: Spiritualized – Songs in A&E

Package既Design已經加好多分啦~~~ （係香港炒到三百幾啊!! 陰公!!）而碟裡面個兩首Death take your fiddle及Sitting on fire已經可以幫隻碟排到第四位了…

第三位: The verve – Forth

本身對佢地既再重組唔係太有期望，所以並無第一時間買，只係聽阿DB share出黎既MP3，我承認真係有d後悔，太遲買喇，不過都好彩入左隻日本版，有齊Deluxe boxset既野！哈哈！ps: 我好鐘意Valium Skies呢首歌。

第二位: 三村京子 - 東京では少女歌手なんて

算係今年唯一嘗試既新名字，自己係完全唔識，由來係從一個blog裡面介紹，係一個好熟悉日本音樂的香港人寫 – Clockwork Toy，就係聽左短短幾十秒，我就訂左番黎。佢既音樂其實係由結他再加小量絃樂既民謠歌曲，不過佢把聲及旋律真係有種吸引你既磁力響度，而D歌詞都幾怪異，雖然我唔識日文，只係睇D漢字都估到佢唔係善類啊~~ ps: 相信佢在日本只係極小眾既歌手，我響網上唔係太易揾到佢的資料。

第一位: 戶川純 – Togawa Legend Self Select Best & Rare 1979 – 2008

用三隻CD總結佢三十年既音樂生涯… 對唔住… 無可能… 但呢次既總結係由戶川純一手策劃，disc 1&2都係佢既重要作品，一定要收錄既，但對於我黎講，真係全部齊全，不過響其中disc 3裡面，果d真係超級rare track，好到無話可說，我聽到好感動… T T
ps: 我估而家響香港仲會有留意及買呢隻專輯既人，可能得十個以下… 或更少??

以上係我既少少分享, 自己既文筆麻麻, 就寫到呢度吧。